Login

der Lady's Club stellt sich vor


Fabienne ist die Gründerin des Lady's Club names Commando Lipstick.



Als Überraschung für das Brautpaar und die Gäste wurde ein Video Clip gedreht, wo die vielen Gesichter und Facetten der Mitglieder von Commando Lipstick vorgestellt wurden. Von den Cowgirls, über die Hip Hop Gangster, zu Partymäusen bis zu den Cüplitussis werden alle Seiten gelebt und verfilmt. Sowohl wurde ein Song geschrieben über die Geschichte des Brautpaars.
Songwriter:           Michelle Manser
Singer:                    Bruno Roma Reis und Oumou Barry
Production:           Daniel Kaldis und Simon Binggeli
Produced by:        Arthausvideo.ch
Members:              Paloma, Stephanie, Nicole, Francine, Eliane, Sabrina, Michelle, Fabienne, Nadine, Cornelia, Simin und Wanja



Songtext:

Hey hend er alli scho sneuschte ghört?
Wo ich das erfahre han, han i mi gfreut wie gstört

Ich segs dir jetzt grad ganz konkreeet
dFabienne het am Michi schön de Kopf verdreht

Lauft er vor 5 Johr is bekannte Autozentrum west
Und wird vo de Chefsekretärin no besser betreut wie die übliche Gäscht

De Michi isch gsi vo de Fabienne total  fasziniert
Und au dFabienne zeigt sich vom Michi total interessiert

Sie isch genau das Girl und er seit nur no Waaau
Drum bestimmt er si au grad als zuekünftigi Ehefrau

Es isch bekannt beidi sind gern schnell uf de Piste
Das isch doch sicher au so dahai i de Kiste

Eis, zwei, drü und los gohts Marsch
Immer mit vilne PS under em Arsch

dFabienne het uf em Pferd en riese grosse Spaass
und de Michi git uf em Töff es bitzli vil  Gaas

Ob Schwizermeister, Europameister isch für dFabienne kei Sach
Sie isch halt eifach en Profi uf ihrem Fach

Gwünnt alli Prüefige so völlig locker
Und haut dKonkurrente abem Hocker

De Michi ghört zu de flissige Schaffer
Haltet nüt vo unnützige Gaffer

Gründet es Unternehme wo lauft wie gschmiert
Liebe Michi du hesch eus alli total imponiert

Au de Michi macht sich fengs guet im Rite
Als nöchschts wird er dFuturity bestrite

De Michi und  üsi Fabienne seget Jo zunenand
Und gönd zueküntig durs lebe hand in hand

Mer sind so happy und freuet eus für eu so fescht
Eu so glücklich gseh isch für eus eifach sAllerbescht

Und wenns mol ned so klappet und öppis ned sötti goh
Denn denket dra uf eus chönd er eu verloh – mer sind immer für euch do

Doch hend au beidi e wildi Jugend gha
De Michi mit es paar Rocker girls und dFabienne mit em einte und andere Maa

Doch alles das isch jetzt verbi
Wo de Michi isch isch au dFabienne debi

Zeme hend sie baut es wunderschlöns Huus oberhalb vom See
Mit grossem Garte, schöner Ussicht – was will mer denn no meh
 
Am Michi langet das aber sicher no nöd
E so e Frau ned zhürote - wer jo sichtlich blöd

Am Valentinstag isch de grossi Tag den cho
De Michi het sich de nötig Muet zeme gnoh

Het es Ross gsattlet und isch als stolze Ritter vor dFabienne trete
Und het so romantisch um Ihri Hand bete

dFabienne isch gsi wahnsinnig grührt
und au de michi het sini zittrige Knüü gspührt

Sie seit den aber dütlich Joooo
zum ab sofort mitenand durs Lebe zgoh

De Michi und  üsi Fabienne seget Jo zunenand
Und gönd zueküntig durs lebe hand in hand

Mer sind so happy und freuet eus für eu so fescht
Eu so glücklich gseh isch für eus eifach sAllerbescht

Und wenns mol ned so klappet und öppis ned sötti goh
Denn denket dra uf eus chönd er eu verloh – mer sind immer für euch do

Es isch so cool – es git es riise Fäscht
Für es super Paar  - mit mega tolle Gäscht

Nachaer wird gflitteret am wunderschöne Meer
Das hend sich die zwei au verdient so sehr

Villicht wird’s bald scho ganz schön crazy
Maybe gits scho gli es Baby

Er werdet das super meistere ob miteme chline Girl oder eme chline Boy
Mer glaubet a eu und seget toi toi toi

Wie au immer er werdet das so toll mache
Mit em übliche stralende Hollywood Lache

De Michi und  üsi Fabienne seget Jo zunenand
Und gönd zueküntig durs lebe hand in hand

Mer sind so happy und freuet eus für eu so fescht
Eu so glücklich gseh isch für eus eifach sAllerbescht

Und wenns mol ned so klappet und öppis ned sötti goh
Denn denket dra uf eus chönd er eu verloh – mer sind immer für euch do